भदौ १४,हेटौंडा। मकवानपुरको हेटौंडा उपमहानगरपालिका–१५ पिपलबोटस्थित महेन्द्र राजमार्गमा सवारी दुर्घटना हुँदा ११ जना घाइते भएका छन्।

​आइतबार दिउँसो अन्दाजी १२:३० बजेको समयमा काठमाडौँबाट वीरगञ्ज तर्फ जाँदै गरेको बागमती प्रदेश ०६-००१ ज ०६९७ नम्बरको यात्रुबाहक ईभी गाडीले विपरीत दिशाबाट आउँदै गरेको ना १ ज ५८७३ नम्बरको सुमोलाई ठक्कर दिँदा उक्त दुर्घटना भएको हो।

​दुर्घटनामा दुवै सवारी साधनमा क्षति पुगेको छ भने घाइतेहरूको हेटौंडा अस्पतालमा उपचार भईरहेको छ।

​घाइतेहरूको विवरण:

१. रविन्द्र उपाध्याय (वर्ष ३४) – सुमो चालक, पर्सा विन्दवासिनी गा.पा.-३ (दुवै खुट्टा र ढाडमा चोट, अवस्था सामान्य)

२. राधिका देवि (वर्ष ३१) – सुमो सवार, पर्सा वीरगञ्ज म.न.पा.-३१ (टाउको र छातीमा चोट, अवस्था मध्यम)

३. रेखा ओझा (वर्ष २६) – सुमो सवार, सोही स्थान (अनुहारमा चोट, अवस्था सामान्य)

४. उपम देवि (वर्ष ४०) – सुमो सवार, सोही स्थान (टाउकोमा चोट, अवस्था सामान्य)

५. शौरव कुमार गुप्ता (वर्ष ३२) – सुमो सवार, वीरगञ्ज म.न.पा.-१५ (टाउकोमा चोट, अवस्था सामान्य)

६. सौर्य साह (वर्ष २.५ / ३० महिना) – सुमो सवार, शौरव कुमार गुप्ताको छोरा (दुवै हातमा चोट, अवस्था सामान्य)

७. सोम बहादुर गुरुङ (वर्ष ३०) – ईभी चालक, गोरखा आरुघाट गा.पा.-७ (छातीमा चोट, अवस्था सामान्य)

८. खजिना खातुन (वर्ष ८) – ईभी सवार, रौतहट वृन्दावन न.पा.-९ (नाक र दाँया खुट्टामा चोट, अवस्था सामान्य)

९. हरिन्द्र राय (वर्ष ३१) – ईभी सवार, सर्लाही बरहथवा न.पा.-०८ (अनुहार र बाँया हातमा चोट, अवस्था सामान्य)

१०. राकेश महन्त (वर्ष ३१) – ईभी सवार, सर्लाही गौडैटा न.पा.-०६ (दाहिने हात, छाती र टाउकोमा चोट, अवस्था सामान्य)

११. शत्रुधन कुशहवा (वर्ष २२) – ईभी सवार, सोही स्थान (दाहिने हात र बाँया खुट्टामा चोट, अवस्था सामान्य)

​दुर्घटनाको खबर प्राप्त हुनासाथ प्रहरी चौकी रातोमाटे, मकवानपुरबाट ट्राफिक सहितको प्रहरी टोली घटनास्थलमा खटिएको थियो।

दुवै दुर्घटनाग्रस्त सवारी साधनहरू प्रहरी चौकी रातोमाटेको नियन्त्रणमा रहेको प्रहरीले जनाएको छ।